2025-yilda texnikumimizda tikuvchi mutaxassisligi yo‘nalishi muvaffaqiyatli ravishda ochildi. Ushbu yo‘nalish bugungi kunda mehnat bozorida katta talabga ega bo‘lib, yoshlar uchun barqaror va daromadli kasb hisoblanadi.
     Hozirgi kunda tikuvchi mutaxassisligi bo‘yicha 26 nafar talaba tahsil olmoqda. Talabalar zamonaviy tikuv uskunalari yordamida nazariy va amaliy bilimlarni uyg‘un holda o‘rganmoqdalar. Mashg‘ulotlar tajribali ustozlar tomonidan olib borilib, o‘quvchilarni mustaqil ishlash, buyurtmalar bajarish va o‘z kasbini mukammal egallashga yo‘naltiradi.
     Mazkur mutaxassislik bitiruvchilari kelajakda tikuvchilik korxonalarida ishlash, shaxsiy ustaxona ochish yoki oilaviy biznes yo‘lga qo‘yish imkoniyatiga ega bo‘ladilar. Tikuvchi mutaxassisligi nafaqat kasb, balki san'at bo‘lib, ijodkorlik va didni talab qiladi.
     Texnikumimizda ushbu yo‘nalishning ochilishi yoshlarning kasbga bo‘lgan qiziqishini oshirib, ularning kelajagini mustahkam poydevor bilan ta'minlashga xizmat qilmoqda.